“விழி”யும் உலகும்

விழியதுவில் உலகம் தெரியுமே!

விழியதுவே உலகாய் மாறுமோ?

மாறித்தான் போனதே எனக்குமே;

என்மகள் “விழி”யும் தானிங்குமே,

என்உலகாய் மாறிப் போனளே!

ஈரேழு உலகையும் மறைத்துமே;

என்மகளும் ஓர்உலகாய் தனித்தளே!

ஏழேழு ஜென்மமதை கடந்துமே,

எம்பந்தமும் உறுதியாய் தொடருமே!

என்உயிராய் என்றுமே தொடர்வளே!

என்உயிர் மகளுக்கு ஜூலை-இரண்டுமே;

இப்புவியில் புகுந்தநாள் ஆகுமே!

எப்படி சொல்லுவேன் வாழ்த்துமே?

சொல்லெலாம் செல்லாமல் போகுதே!

சொல்லெதும் தேவையோ வாழ்த்தவே?…

நானின்னும் உயிர்ப்புடன் இருப்பதே,

என்மகளை அனுதினமும் வாழ்த்தவே!

தனிவாழ்த்து எதற்கிங்கே இன்றுமே?

என்வாழ்வே அவளுக்கு வாழ்த்தாகுமே!

வாழ்வாங்கு வாழ்வாய் விழியமுதினியே!