பால்: 1 - அறம்; இயல்: 03 - துறவறவியல்; அதிகாரம்: 034 - நிலையாமை
0331. நில்லாத வற்றை நிலையின என்றுணரும்
புல்லறி வாண்மை கடை
நிலையில்லாதவற்றை நிலையானவை என்று, மாயையாய் நம்பும்; அனுபவம் இல்லாத,
தவறான-அறிவு இழிவானதாகும்.
நிறைவற்ற-உறவு அழிவானதாகும்.
புல்லறி வாண்மை கடை
நிலையில்லாதவற்றை நிலையானவை என்று, மாயையாய் நம்பும்; அனுபவம் இல்லாத,
தவறான-அறிவு இழிவானதாகும்.
(அது போல்...)
உண்மையில்லாததை உண்மையானது என்று, மூர்க்கமாய் நம்பும்; புரிதல் இல்லாத,நிறைவற்ற-உறவு அழிவானதாகும்.
0332. கூத்தாட்டு அவைக்குழாத் தற்றே பெருஞ்செல்வம்
போக்கும் அதுவிளிந் தற்று
பெருமளவில் சேர்ந்திடும் செல்வம், அரங்கில் நிறைந்திடும் மக்கள் போல்; எந்நேரத்திலும்
விலகிவிடும் என்ற நிலையாமையை உணரவேண்டும்.
போக்கும் அதுவிளிந் தற்று
பெருமளவில் சேர்ந்திடும் செல்வம், அரங்கில் நிறைந்திடும் மக்கள் போல்; எந்நேரத்திலும்
விலகிவிடும் என்ற நிலையாமையை உணரவேண்டும்.
(அது போல்...)
மனதளவில் இருந்திடும் செயல்கள், ஊதற்பையில் அடைத்திடும் காற்று போல்;
எந்நிலையிலும் விடுபட்டிடும் என்ற புரிதலை அறியவேண்டும்.
0333. அற்கா இயல்பிற்றுச் செல்வம் அதுபெற்றால்
அற்குப ஆங்கே செயல்
நிலையற்ற தன்மை கொண்டது செல்வம்; எனவே, செல்வத்தைப் பெற்றால் - அது
நிலைக்கும் வண்ணம், அறச்செயல்களைச் செய்யவேண்டும்.
அற்குப ஆங்கே செயல்
நிலையற்ற தன்மை கொண்டது செல்வம்; எனவே, செல்வத்தைப் பெற்றால் - அது
நிலைக்கும் வண்ணம், அறச்செயல்களைச் செய்யவேண்டும்.
(அது போல்...)
அலைபாயும் இயல்பு உடையது சிந்தனை; எனவே, சிந்தனைகள் தோன்றினால் - அவை
அலையாய் ஓயாமல், எழுத்துவடிவில் உருமாறவேண்டும்.
0334. நாளென ஒன்றுபோற் காட்டி உயிர்ஈரும்
வாளது உணர்வார்ப் பெறின்
வாழ்க்கையை ஆழ்ந்து உணர்ந்தோர்க்கு; நாள் என்ற அளவுகோல் - உயிரை உடம்பிலிருந்து
அறுக்கும் வாள் - என்பது தெரியும்.
வாளது உணர்வார்ப் பெறின்
வாழ்க்கையை ஆழ்ந்து உணர்ந்தோர்க்கு; நாள் என்ற அளவுகோல் - உயிரை உடம்பிலிருந்து
அறுக்கும் வாள் - என்பது தெரியும்.
(அது போல்...)
தேடலைத் தேடி அலைந்தோர்க்கு; அறியாமை கொண்ட நம்பிக்கை; புரிதலைப்
பகுத்தறிவிலிருந்து கழிக்கும் கணிப்பான் - என்பது விளங்கும்.
0335. நாச்செற்று விக்குள்மேல் வாராமுன் நல்வினை
மேற்சென்று செய்யப் படும்
நாவையடக்கி - "விக்கல் போல்", நிலையில்லாத உயிர்; உடம்பிலிருந்து மேலே
எழும்முன்னே - காலம் தாழ்த்தாது, நற்செயல்களை செய்யவேண்டும்.
பருவம் கடத்தாமல், புரிதல்களை அடையவேண்டும்.
மேற்சென்று செய்யப் படும்
நாவையடக்கி - "விக்கல் போல்", நிலையில்லாத உயிர்; உடம்பிலிருந்து மேலே
எழும்முன்னே - காலம் தாழ்த்தாது, நற்செயல்களை செய்யவேண்டும்.
(அது போல்...)
நம்மையடக்கி - "குரங்கு போல்", ஓய்வில்லாத மனது; தேடலிலிருந்து தாவி விலகும்முன் - பருவம் கடத்தாமல், புரிதல்களை அடையவேண்டும்.
0336. நெருநல் உளனொருவன் இன்றில்லை என்னும்
பெருமை உடைத்துஇவ் வுலகு
"நேற்று உயிருடன் இருந்தவர், இன்று உயிரோடு இல்லை!" - என்று நிலையாமையை
அனுதினமும் உணர்த்தும், உயர்வினைக் கொண்டது இவ்வுலகம்.
தொடர்ந்து கற்பிக்கும், உறவுகளை உடையது வாழ்க்கை.
பெருமை உடைத்துஇவ் வுலகு
"நேற்று உயிருடன் இருந்தவர், இன்று உயிரோடு இல்லை!" - என்று நிலையாமையை
அனுதினமும் உணர்த்தும், உயர்வினைக் கொண்டது இவ்வுலகம்.
(அது போல்...)
"முன்பு பகையுடன் இருந்தோர், இப்போது பகையுடன் இல்லை!" - என்று வாழ்வியலைதொடர்ந்து கற்பிக்கும், உறவுகளை உடையது வாழ்க்கை.
0337. ஒருபொழுதும் வாழ்வது அறியார் கருதுப
கோடியும் அல்ல பல
எந்நிலையிலும் வாழ்வியலின் நிலையாமையை பகுத்தறியாதோரே; கோடியை கடந்த
எண்ணிக்கையில், கற்பனை செய்வர்.
அரசை குறைகூறுவர்.
கோடியும் அல்ல பல
எந்நிலையிலும் வாழ்வியலின் நிலையாமையை பகுத்தறியாதோரே; கோடியை கடந்த
எண்ணிக்கையில், கற்பனை செய்வர்.
(அது போல்...)
எவ்வகையிலும் சமூகத்தின் வலிமையை உணராதவர்களே; எல்லையைக் கடந்த வகையில்,அரசை குறைகூறுவர்.
0338. குடம்பை தனித்துஒழியப் புள்பறந் தற்றே
உடம்பொடு உயிரிடை நட்பு
உடம்பொடு உயிரிடை நட்பு
முட்டைக் கூட்டைப் பிரிந்து, பறக்கும் பறவையைப் போன்ற; நிலையற்ற தன்மை உடையதே,
உடம்புடன் உயிருக்குண்டான உறவு.
(அது போல்...)
சுமந்த ஏவுகணையைப் பிரிந்து, உலவும் விண்கலத்தைப் போன்ற; தற்காலிக ஆயுள்
கொண்டதே, செயலுடன் உணர்ச்சிக்குண்டான பிணைப்பு.
0339. உறங்கு வதுபோலுஞ் சாக்காடு உறங்கி
விழிப்பது போலும் பிறப்பு
நிலையற்ற வாழ்வில் - ஒவ்வொரு உறக்கமும், இறப்பைப் போன்றதாகும்; தூங்கியபின்
நிகழும் ஒவ்வொரு விழிப்பும், பிறப்பைப் போன்றது.
விழிப்பது போலும் பிறப்பு
நிலையற்ற வாழ்வில் - ஒவ்வொரு உறக்கமும், இறப்பைப் போன்றதாகும்; தூங்கியபின்
நிகழும் ஒவ்வொரு விழிப்பும், பிறப்பைப் போன்றது.
(அது போல்...)
நிரந்தரமற்ற உணர்வில் - ஒவ்வொரு பிரிவும், கார்மேகம் போன்றதாகும்; மழைக்குப்பின்
தொடரும் ஒவ்வொரு தெளிவும், இணைதல் போன்றது.
0340. புக்கில் அமைந்தின்று கொல்லோ உடம்பினுள்
துச்சில் இருந்த உயிர்க்கு
ஏதோவொரு உடம்பின் உறுப்பில், தற்காலிகமாய் குடியிருக்கும் உயிருக்கு; நிரந்தரமாய்
குடியிருக்கும் இடம் கிடைக்கல்லையோ?
செயல்படுதல் கைகூடவில்லையோ?
துச்சில் இருந்த உயிர்க்கு
ஏதோவொரு உடம்பின் உறுப்பில், தற்காலிகமாய் குடியிருக்கும் உயிருக்கு; நிரந்தரமாய்
குடியிருக்கும் இடம் கிடைக்கல்லையோ?
(அது போல்...)
ஏதேனும் ஆசையின் தூண்டலில், ஓயாமல் அலையும் மனதுக்கு; புத்தியுடன் இணைந்துசெயல்படுதல் கைகூடவில்லையோ?
கருத்துகள் இல்லை:
கருத்துரையிடுக