பால்: 2 - பொருள்; இயல்: 09 - படையியல்; அதிகாரம்: 077 - படைமாட்சி
0761. உறுப்பமைந்து ஊறுஅஞ்சா வெல்படை வேந்தன்
வெறுக்கையுள் எல்லாம் தலை
விழியப்பன் விளக்கம்: விழுப்புண்களுக்கு அஞ்சாமல் வெல்லும் திறமுடைய, முழுமையான
போர்ப் படையே; அரசாள்பவரிடம் இருக்கும், செல்வங்களில் எல்லாம் முதன்மையானது
ஆகும்!
வெறுக்கையுள் எல்லாம் தலை
விழியப்பன் விளக்கம்: விழுப்புண்களுக்கு அஞ்சாமல் வெல்லும் திறமுடைய, முழுமையான
போர்ப் படையே; அரசாள்பவரிடம் இருக்கும், செல்வங்களில் எல்லாம் முதன்மையானது
ஆகும்!
(அது போல்...)
விமர்சனங்களுக்குப் பின்னடையாமல் வாழும் இயல்புடைய, வலிமையான குடும்ப
அமைப்பே; சமுதாயத்தில் இருக்கும், அம்சங்கள் அனைத்திலும் சிறப்பானது ஆகும்!
அமைப்பே; சமுதாயத்தில் இருக்கும், அம்சங்கள் அனைத்திலும் சிறப்பானது ஆகும்!
0762. உலைவிடத்து ஊறுஅஞ்சா வன்கண் தொலைவிடத்துத்
தொல்படைக்கு அல்லால் அரிது
விழியப்பன் விளக்கம்: போர்க்களத்தில், வலிமை குறையும்போதோ/அழிவு நேரும்போதோ;
போர் அனுபவம் உடைய படையைத் தவிர, பிற படைகளால் மரணத்திற்கு அஞ்சாமல்
இருக்க முடியாது!
தொல்படைக்கு அல்லால் அரிது
விழியப்பன் விளக்கம்: போர்க்களத்தில், வலிமை குறையும்போதோ/அழிவு நேரும்போதோ;
போர் அனுபவம் உடைய படையைத் தவிர, பிற படைகளால் மரணத்திற்கு அஞ்சாமல்
இருக்க முடியாது!
(அது போல்...)
குடும்பத்தில், குழப்பம் விளையும்போதோ/பிரிவு நேரும்போதோ; வாழ்வியல் அனுபவம்
உடைய அங்கத்தினர் தவிர, பிற உறுப்பினர்களால் இன்னலுக்கு அஞ்சாமல் இருக்க
முடியாது!
0763. ஒலித்தக்கால் என்னாம் உவரி எலிப்பகை
நாகம் உயிர்ப்பக் கெடும்
விழியப்பன் விளக்கம்: அலைகடலாய் திரண்டு ஆர்ப்பரித்தாலும், எலி போன்ற பகைவர்கள்;
என்ன அழிவை செய்வர்? நாகப்பாம்பு போன்ற சிறுபடையின், கோபப் பெருமூச்சில்
அழிந்துவிடுவர்!
நாகம் உயிர்ப்பக் கெடும்
விழியப்பன் விளக்கம்: அலைகடலாய் திரண்டு ஆர்ப்பரித்தாலும், எலி போன்ற பகைவர்கள்;
என்ன அழிவை செய்வர்? நாகப்பாம்பு போன்ற சிறுபடையின், கோபப் பெருமூச்சில்
அழிந்துவிடுவர்!
(அது போல்...)
சூறாவளியாய் சுழன்று வீசினாலும், பஞ்சு போன்ற தீப்பழக்கங்கள்; என்ன விளைவை
உண்டாக்கும்? நெருப்பு போன்ற பெற்ரோரின், அன்புச் சுடரில் பொசுங்கிவிடும்!
0764. அழிவின்றி அறைபோகா தாகி வழிவந்த
வன்க ணதுவே படை
விழியப்பன் விளக்கம்: எப்போரிலும் அழிவைச் சந்திக்காமல், பகைவர்களின் சதிக்கு
பலியாகாமல்; பல போர்களை வென்று, திண்ணமான வீரத்தைப் பெறுவதே படையாகும்!
வன்க ணதுவே படை
விழியப்பன் விளக்கம்: எப்போரிலும் அழிவைச் சந்திக்காமல், பகைவர்களின் சதிக்கு
பலியாகாமல்; பல போர்களை வென்று, திண்ணமான வீரத்தைப் பெறுவதே படையாகும்!
(அது போல்...)
எவ்வுறவிலும் பிரிவைத் தூண்டாமல், தீயவர்களின் புரளிக்கு இரையாகாமல்; பல
உறவினர்களைப் பேணி, உன்னதமான அன்பைப் பரிமாறுவதே குடும்பமாகும்!
0765. கூற்றுடன்று மேல்வரினும் கூடி எதிர்நிற்கும்
ஆற்றல் அதுவே படை
விழியப்பன் விளக்கம்: எமனே, கோபமாய் போர் தொடுத்தாலும்; புறமுதுகை காட்டாமல்,
ஒன்றுகூடி எதிர்த்து நிற்கும் வலிமை உடையதே படையாகும்.
ஆற்றல் அதுவே படை
விழியப்பன் விளக்கம்: எமனே, கோபமாய் போர் தொடுத்தாலும்; புறமுதுகை காட்டாமல்,
ஒன்றுகூடி எதிர்த்து நிற்கும் வலிமை உடையதே படையாகும்.
(அது போல்...)
சுனாமியே, பேரழிவாய் எதிரே வந்தாலும்; தம்முயிரை மதிக்காமல், ஒருசேர
பிள்ளைகளைக் காக்கும் சிந்தனை உடையவரே பெற்றோராவர்.
பிள்ளைகளைக் காக்கும் சிந்தனை உடையவரே பெற்றோராவர்.
0766. மறமானம் மாண்ட வழிச்செலவு தேற்றம்
எனநான்கே ஏமம் படைக்கு
விழியப்பன் விளக்கம்: அழியாத வீரம்/குறையாத சுயமரியாதை/அறவழியில் பயணிக்கும்
மாட்சிமை/அரசாள்பவரின் நம்பிக்கை - இந்நான்கு காரணிகளே, படைக்குப் பாதுகாப்பு
அரண்களாகும்.
மூத்தவர்களின் வழிகாட்டல் - இந்நான்கு காரணிகளே, கூட்டுக்குடும்பத்திற்கு வலுவான
அடிதளங்களாகும்.
எனநான்கே ஏமம் படைக்கு
விழியப்பன் விளக்கம்: அழியாத வீரம்/குறையாத சுயமரியாதை/அறவழியில் பயணிக்கும்
மாட்சிமை/அரசாள்பவரின் நம்பிக்கை - இந்நான்கு காரணிகளே, படைக்குப் பாதுகாப்பு
அரண்களாகும்.
(அது போல்...)
மாறாத அன்பு/தவறாத சுயவொழுக்கம்/உறவினர்களை அரவணைக்கும் கண்ணியம்/மூத்தவர்களின் வழிகாட்டல் - இந்நான்கு காரணிகளே, கூட்டுக்குடும்பத்திற்கு வலுவான
அடிதளங்களாகும்.
0767. தார்தாங்கிச் செல்வது தானை தலைவந்த
போர்தாங்கும் தன்மை அறிந்து
விழியப்பன் விளக்கம்: தம்மை நெருங்கிய படைகளைத் தகர்க்கும், போர்முறைகளை
அறிந்து; முதலில் வரும் படையைத் தகர்த்து, போர்க்களத்தில் முன்னேறிச் செல்வதே
படையாகும்.
போர்தாங்கும் தன்மை அறிந்து
விழியப்பன் விளக்கம்: தம்மை நெருங்கிய படைகளைத் தகர்க்கும், போர்முறைகளை
அறிந்து; முதலில் வரும் படையைத் தகர்த்து, போர்க்களத்தில் முன்னேறிச் செல்வதே
படையாகும்.
(அது போல்...)
மனதை ஈர்க்கும் தீமைகளைத் தடுக்கும், செயல்முறைகளைக் கற்று; முதலில் ஈர்க்கும்
தீமையைத் தடுத்து, வாழ்க்கையில் உயர்ந்து செல்வதே ஒழுக்கமாகும்.
0768. அடல்தகையும் ஆற்றலும் இல்லெனினும் தானை
படைத்தகையால் பாடு பெறும்
விழியப்பன் விளக்கம்: போரிடத் தேவையான வீரமும் தற்காப்பும் இல்லாத போதும்;
ஒன்றிணைந்த அணியாய் திரளும் குணத்தால், ஓர் படை மாட்சிமை பெறும்!
படைத்தகையால் பாடு பெறும்
விழியப்பன் விளக்கம்: போரிடத் தேவையான வீரமும் தற்காப்பும் இல்லாத போதும்;
ஒன்றிணைந்த அணியாய் திரளும் குணத்தால், ஓர் படை மாட்சிமை பெறும்!
(அது போல்...)
இல்லறத்திற்குத் தேவையான அன்பும் புரிதலும் இல்லாத போதும்; கூட்டுக் குடும்பமாய்
வாழும் ஒழுக்கத்தால், ஓர் குடும்பம் அற்புதமாக மாறும்!
0769. சிறுமையும் செல்லாத் துனியும் வறுமையும்
இல்லாயின் வெல்லும் படை
விழியப்பன் விளக்கம்: வீரர்களின் எண்ணிக்கையில் குறைவு/அரசாள்பவரிடம் மாறாத
வெறுப்பு/வாழ்வை அழிக்கும் வறுமை - இவையாயும் இல்லையாயின், அப்படை நிச்சயமாய்
வெற்றியடையும்!
இல்லாயின் வெல்லும் படை
விழியப்பன் விளக்கம்: வீரர்களின் எண்ணிக்கையில் குறைவு/அரசாள்பவரிடம் மாறாத
வெறுப்பு/வாழ்வை அழிக்கும் வறுமை - இவையாயும் இல்லையாயின், அப்படை நிச்சயமாய்
வெற்றியடையும்!
(அது போல்...)
உறவுகளின் அன்பில் குறை/முதியவர்களைப் பேணாமல் இருத்தல்/ஒழுக்கம் இல்லாத
வாழ்க்கை - இவையாவும் இல்லையாயின், அக்குடும்பம் உறுதியாய் கூடியிருக்கும்!
0770. நிலைமக்கள் சால உடைத்தெனினும் தானை
தலைமக்கள் இல்வழி இல்
விழியப்பன் விளக்கம்: பல போர்களில் நிலைத்த, பல திறமையானப் படைவீரர்கள்
இருப்பினும்; தகுதியான படைத் தலைவர்கள் இல்லையெனில், அப்படை நீடித்து நிலைக்க
வழியில்லை!
தலைமக்கள் இல்வழி இல்
விழியப்பன் விளக்கம்: பல போர்களில் நிலைத்த, பல திறமையானப் படைவீரர்கள்
இருப்பினும்; தகுதியான படைத் தலைவர்கள் இல்லையெனில், அப்படை நீடித்து நிலைக்க
வழியில்லை!
(அது போல்...)
பல போராட்டங்களில் வென்ற, பல உறுதியான இளைஞர்கள் இருப்பினும்; நேர்மையான
ஒருங்கு இணைப்பாளர்கள் இல்லையெனில், அக்குழு நிரந்தர தீர்வாக மாறுவதில்லை!
*****
கருத்துகள் இல்லை:
கருத்துரையிடுக