குறள் எண்: 0774 (விழியப்பன் விளக்கவுரை)

{பால்: 2 - பொருட்பால்; இயல்: 09 - படையியல்; அதிகாரம்: 078 - படைச்செருக்கு; குறள் எண்: 0774}

கைவேல் களிற்றோடு போக்கி வருபவன்
மெய்வேல் பறியா நகும்

விழியப்பன் விளக்கம்: கையிலிருந்த வேலை, யானை மீது எறிந்து துரத்திய ஆயுதமில்லா வீரன்; தன் மார்பைத் துளைத்து நிற்கும் வேலை மகிழ்ந்து பறித்து, செருக்குடன் முன்னேறுவான்! 

(அது போல்...)

வாங்கிய சம்பளத்தில், வீட்டு செலவுகளை நிறைவு செய்த பணமில்லா தலைவன்; தன் சேமிப்பில் இருக்கும் பணத்தை மகிழ்வுடன் எண்ணிப் பார்த்து, அமைதியாய் உறங்குவான்!

*****

இணைப்பு: ஆங்கில மொழியாக்கம் மற்றும் ஆங்கில விளக்கவுரை