பால்: 2 - பொருள்; இயல்: 09 - படையியல்; அதிகாரம்: 078 - படைச்செருக்கு
0771. என்னைமுன் நில்லன்மின் தெவ்விர் பலர்என்னை
முன்நின்று கல்நின் றவர்
விழியப்பன் விளக்கம்: “எதிரிகளே! எம் தலைவரை எதிர்த்து, அவர்முன் போர்க்களத்தில்
நிற்காதீர்! எம் தலைவரின் முன் நின்று, பலரும் கற்சிலைகளாக உள்ளனர்!” - என
எச்சரிக்கை செய்வதே, படைச்செருக்கு ஆகும்.
முன்நின்று கல்நின் றவர்
விழியப்பன் விளக்கம்: “எதிரிகளே! எம் தலைவரை எதிர்த்து, அவர்முன் போர்க்களத்தில்
நிற்காதீர்! எம் தலைவரின் முன் நின்று, பலரும் கற்சிலைகளாக உள்ளனர்!” - என
எச்சரிக்கை செய்வதே, படைச்செருக்கு ஆகும்.
(அது போல்...)
“துரோகிகளே! என் அப்பனை புறம்பேசி, அவர்முன் புகழ்ச்சி பேசாதீர்! என் அப்பனை
புறத்தே பேசி, பலரும் வாழ்விழந்து இருக்கின்றனர்!” - என வீரமுடன் பேசுவதே,
மகளதிகாரம் ஆகும்.
0772. கான முயல்எய்த அம்பினில் யானை
பிழைத்தவேல் ஏந்தல் இனிது
விழியப்பன் விளக்கம்: கண்டதும் அஞ்சும் காட்டு முயலை, கொன்ற அம்பை விட; பாயும்
படையை எதிர்க்கும் யானையைக் கொல்லத் தவறிய, வேலைக் கையிலேந்தி இருப்பது
சிறப்பாகும்.
பிழைத்தவேல் ஏந்தல் இனிது
விழியப்பன் விளக்கம்: கண்டதும் அஞ்சும் காட்டு முயலை, கொன்ற அம்பை விட; பாயும்
படையை எதிர்க்கும் யானையைக் கொல்லத் தவறிய, வேலைக் கையிலேந்தி இருப்பது
சிறப்பாகும்.
(அது போல்...)
பார்த்ததும் அஞ்சும் அப்பாவி மனிதரை, வீழ்த்திய காவலரை விட; போக்கிரிக் கும்பலை
வளர்க்கும் வீரனை வெல்லத் தவறிய, காவலரை உடன் வைத்திருப்பது உயர்ந்ததாகும்.
0773. பேராண்மை என்ப தறுகண்ஒன்று உற்றக்கால்
ஊராண்மை மற்றதன் எஃகு
விழியப்பன் விளக்கம்: எதிரிகளைத் தாக்குவதில், இரக்கமின்றி இருப்பதை; அதீத வலிமை
என்பர்! மற்றும், அதே எதிரிகள் இன்னல் படும்போது உதவுவதை; “வலிமையின் கூர்முனை”
என்பர்!
ஊராண்மை மற்றதன் எஃகு
விழியப்பன் விளக்கம்: எதிரிகளைத் தாக்குவதில், இரக்கமின்றி இருப்பதை; அதீத வலிமை
என்பர்! மற்றும், அதே எதிரிகள் இன்னல் படும்போது உதவுவதை; “வலிமையின் கூர்முனை”
என்பர்!
(அது போல்...)
குழந்தைகளை வளர்ப்பதில், மன்னிப்பின்றி இருப்பதை; சிறந்த வளர்ப்புமுறை என்பர்!
மற்றும், அதே குழந்தைகள் தோல்வி அடையும்போது அரவணைப்பதை; "வளர்ப்பின்
உச்சம்" என்பர்!
உச்சம்" என்பர்!
0774. கைவேல் களிற்றோடு போக்கி வருபவன்
மெய்வேல் பறியா நகும்
விழியப்பன் விளக்கம்: கையிலிருந்த வேலை, யானை மீது எறிந்து துரத்திய ஆயுதமில்லா
வீரன்; தன் மார்பைத் துளைத்து நிற்கும் வேலை மகிழ்ந்து பறித்து, செருக்குடன்
முன்னேறுவான்!
மெய்வேல் பறியா நகும்
விழியப்பன் விளக்கம்: கையிலிருந்த வேலை, யானை மீது எறிந்து துரத்திய ஆயுதமில்லா
வீரன்; தன் மார்பைத் துளைத்து நிற்கும் வேலை மகிழ்ந்து பறித்து, செருக்குடன்
முன்னேறுவான்!
(அது போல்...)
வாங்கிய சம்பளத்தில், வீட்டு செலவுகளை நிறைவு செய்த பணமில்லா தலைவன்; தன்
சேமிப்பில் இருக்கும் பணத்தை மகிழ்வுடன் எண்ணிப் பார்த்து, அமைதியாய் உறங்குவான்!
0775. விழித்தகண் வேல்கொண்டி எறிய அழித்துஇமைப்பின்
ஒட்டுஅன்றோ வன்க ணவர்க்கு
விழியப்பன் விளக்கம்: வெற்றிக்காக விழித்திருக்கும் படைவீரரின் கண், எதிரி வேல்
எறியும்போது; ஒருமுறை இமைத்தாலும், செருக்குடைய படைக்கு புறங்காட்டுதல் அன்றோ?
ஒட்டுஅன்றோ வன்க ணவர்க்கு
விழியப்பன் விளக்கம்: வெற்றிக்காக விழித்திருக்கும் படைவீரரின் கண், எதிரி வேல்
எறியும்போது; ஒருமுறை இமைத்தாலும், செருக்குடைய படைக்கு புறங்காட்டுதல் அன்றோ?
(அது போல்...)
வாய்ப்புக்காகக் காத்திருக்கும் உறுப்பினரின் நேர்மை, சூழல் அழுத்தம் தரும்போது;
ஒருமுறை தவறினாலும்; ஒழுக்கமுடைய குடும்பத்துக்கு தேசக்குற்றம் தானே?
0776. விழுப்புண் படாதநாள் எல்லாம் வழுக்கினுள்
வைக்கும்தன் நாளை எடுத்து
விழியப்பன் விளக்கம்: செருக்குடைய படைவீரர்கள் தம் வாழ்நாட்களைக் கணக்கிட்டு,
விழுப்புண் படாத நாட்கள் அனைத்தையும்; இறந்த நாட்களாய் கருதி, அவற்றைக்
கழித்திடுவர்!
வைக்கும்தன் நாளை எடுத்து
விழியப்பன் விளக்கம்: செருக்குடைய படைவீரர்கள் தம் வாழ்நாட்களைக் கணக்கிட்டு,
விழுப்புண் படாத நாட்கள் அனைத்தையும்; இறந்த நாட்களாய் கருதி, அவற்றைக்
கழித்திடுவர்!
(அது போல்...)
சுயமுடைய தலைவர்கள் தம் செயல்களை மதிப்பிட்டு, அறவுணர்வு சேராத செயல்கள்
யாவையும்; குற்றச் செயல்களாய் கருதி, அவற்றை நீக்கிடுவர்!
0777. சுழலும் இசைவேண்டி வேண்டா உயிரார்
கழல்யாப்புக் காரிகை நீர்த்து
விழியப்பன் விளக்கம்: உலகெங்கும் பரவும் புகழுக்காக, தம் உயிரையும் விரும்பாத
செருக்கான படைவீரரின் காலில்; வீரக்கழல் கட்டப்படும் போது, அது பேரழகை அடையும்!
கழல்யாப்புக் காரிகை நீர்த்து
விழியப்பன் விளக்கம்: உலகெங்கும் பரவும் புகழுக்காக, தம் உயிரையும் விரும்பாத
செருக்கான படைவீரரின் காலில்; வீரக்கழல் கட்டப்படும் போது, அது பேரழகை அடையும்!
(அது போல்...)
நாடெங்கும் பரவும் நன்மைக்காக, தம் சுயத்தையும் பேணாத ஒழுக்கமான தலைவரின்
பார்வையில்; அரசியல்கட்சி வளரும் போது, அது மக்களாட்சிக்கு செய்யும்!
0778. உறின்உயிர் அஞ்சா மறவர் இறைவன்
செறினும்சீர் குன்றல் இலர்
விழியப்பன் விளக்கம்: போரில் அழிவு நேரும்போது, அரசாள்பவர் சினந்து தடுத்தாலும்;
உயிருக்கு அஞ்சாத செருக்குடைய போர்வீரர், தன் சிறப்பியல்பில் இருந்து விலகமாட்டார்!
செறினும்சீர் குன்றல் இலர்
விழியப்பன் விளக்கம்: போரில் அழிவு நேரும்போது, அரசாள்பவர் சினந்து தடுத்தாலும்;
உயிருக்கு அஞ்சாத செருக்குடைய போர்வீரர், தன் சிறப்பியல்பில் இருந்து விலகமாட்டார்!
(அதுபோல்...)
குடும்பத்தில் சிக்கல் நேரும்போது, குடும்பத்தினர் குழப்பம் விதைத்தாலும்; சூழலுக்கு
பலியாகாத திட்பமுடைய குடும்பத்தலைவர், தன் உயர்குணத்தில் இருந்து மாறமாட்டார்!
0779. இழைத்தது இகவாமைச் சாவாரை யாரே
பிழைத்தது ஒறுக்கிற் பவர்
விழியப்பன் விளக்கம்: உரைத்த சூளுரையைக் காக்க, போரில் சாகவல்ல செருக்கான
வீரரை; ஒரு பிழை செய்ததற்காய், எவரேனும் இகழ்வரோ?
பிழைத்தது ஒறுக்கிற் பவர்
விழியப்பன் விளக்கம்: உரைத்த சூளுரையைக் காக்க, போரில் சாகவல்ல செருக்கான
வீரரை; ஒரு பிழை செய்ததற்காய், எவரேனும் இகழ்வரோ?
(அது போல்...)
அளித்த வாக்குறுதியை நிறைவேற்ற, தேர்தலில் தோற்கவல்ல செறிவான தலைவரை; கால
தாமதம் செய்ததற்காய், எவரேனும் விமர்சிப்பரோ?
0780. புரந்தார்கண் நீர்மல்கச் சாகிற்பின் சாக்காடு
இரந்துகோள் தக்கது உடைத்து
விழியப்பன் விளக்கம்: செருக்கான ஒரு படைவீரனின் இறப்பு, ஆட்சியாளரின் கண்களில்
நீரை நிரப்பினால்; அந்த இறப்பு, யாசகமாய் கேட்டும் பெறும் மகிமை உடையதாகும்!
இரந்துகோள் தக்கது உடைத்து
விழியப்பன் விளக்கம்: செருக்கான ஒரு படைவீரனின் இறப்பு, ஆட்சியாளரின் கண்களில்
நீரை நிரப்பினால்; அந்த இறப்பு, யாசகமாய் கேட்டும் பெறும் மகிமை உடையதாகும்!
(அது போல்...)
திறமையான ஒரு தொழிலாளியின் ஓய்வு, முதலாளியின் கவனத்தை திசை திருப்பினால்;
அந்த ஓய்வு, எதனை இழந்தும் அடையும் புகழும் உடையதாகும்!
*****
கருத்துகள் இல்லை:
கருத்துரையிடுக