பால்: 1 - அறம்; இயல்: 03 - துறவறவியல்; அதிகாரம்: 027 - தவம்
0261. உற்றநோய் நோன்றல் உயிர்க்குறுகண் செய்யாமை
அற்றே தவத்திற் குரு
அற்றே தவத்திற் குரு
விழியப்பன் விளக்கம்: தனக்கு நேர்ந்த துன்பத்தைப் பொறுப்பது மற்றும் பிற உயிர்களுக்கு
துன்பம் விளைவிக்காதது - போன்ற தன்மைகளே, தவத்தின் காரணிகளாம்.
போன்ற குணங்களே, மனிதத்தின் கோட்பாடுகளாம்.
துன்பம் விளைவிக்காதது - போன்ற தன்மைகளே, தவத்தின் காரணிகளாம்.
(அது போல்...)
நாம் செய்த தவறுகளை ஏற்பது மற்றும் பிறரின் தவறுகளைப் பூதாகரமாக சித்தரிக்காதது -போன்ற குணங்களே, மனிதத்தின் கோட்பாடுகளாம்.
0262. தவமும் தவமுடையார்க்கு ஆகும் அவம்அதனை
அஃதிலார் மேற்கொள் வது
விழியப்பன் விளக்கம்: நல்லறம் பழகும் மனத்திடம் உள்ளவர்க்கே, தவம் செய்வது
சாத்தியமாகும்; நல்லறம் இல்லாதோர், தவம் பழகுவது வீண்செயலாகும்.
அஃதிலார் மேற்கொள் வது
விழியப்பன் விளக்கம்: நல்லறம் பழகும் மனத்திடம் உள்ளவர்க்கே, தவம் செய்வது
சாத்தியமாகும்; நல்லறம் இல்லாதோர், தவம் பழகுவது வீண்செயலாகும்.
(அது போல்...)
சுயம் காக்கும் ஒழுங்கியல் தெரிந்தவர்க்கே, சமூக சேவை கைகூடும்; சுயம் உணராதோர்,
சமூகசேவை ஆற்றுவது பயனற்றதாகும்.
0263. துறந்தார்க்குத் துப்புரவு வேண்டி மறந்தார்கொல்
மற்றை யவர்கள் தவம்
விழியப்பன் விளக்கம்: அறமல்லவற்றைத் துறந்து, தவம் மேற்கொள்வோர்க்கு;
உணவளித்து உதவிடத்தான், மற்றவர்கள் தவம் மேற்கொள்வதை மறந்தனரோ?
மற்றை யவர்கள் தவம்
விழியப்பன் விளக்கம்: அறமல்லவற்றைத் துறந்து, தவம் மேற்கொள்வோர்க்கு;
உணவளித்து உதவிடத்தான், மற்றவர்கள் தவம் மேற்கொள்வதை மறந்தனரோ?
(அது போல்...)
சுயவாழ்வைத் தொலைத்து, அரசியலில் ஈடுபடுவோர்க்கு; ஆதரவுக்கரம் நீட்டத்தான்,
பொதுமக்கள் அரசியலில் ஈடுபடுவதைத் தவிர்த்தனரோ?
0264. ஒன்னார்த் தெறலும் உவந்தாரை ஆக்கலும்
எண்ணின் தவத்தான் வரும்
விழியப்பன் விளக்கம்: பகைவரை வீழ்த்தவும் மற்றும் சுற்றத்தாரை உயர்த்தவும்
எண்ணினால்; அவை தவம் செய்யும் இயல்பினால் நிறைவேறும்.
எண்ணின் தவத்தான் வரும்
விழியப்பன் விளக்கம்: பகைவரை வீழ்த்தவும் மற்றும் சுற்றத்தாரை உயர்த்தவும்
எண்ணினால்; அவை தவம் செய்யும் இயல்பினால் நிறைவேறும்.
(அது போல்...)
தீவினைகளை அழிக்கவும் மற்றும் நல்வினைகளைப் பெருக்கவும் முனைந்தால்; அவை
தேடல் விதைக்கும் சிந்தனையால் சாத்தியமாகும்.
0265. வேண்டிய வேண்டியாங் கெய்தலால் செய்தவம்
ஈண்டு முயலப் படும்
விழியப்பன் விளக்கம்: வேண்டியதை வேண்டிய வண்ணமே, பெறமுடியும் என்பதால்;
செய்யக்கூடிய தவம் சார்ந்த செயல்களை, உடனடியாய் செய்ய முயலவேண்டும்.
ஈண்டு முயலப் படும்
விழியப்பன் விளக்கம்: வேண்டியதை வேண்டிய வண்ணமே, பெறமுடியும் என்பதால்;
செய்யக்கூடிய தவம் சார்ந்த செயல்களை, உடனடியாய் செய்ய முயலவேண்டும்.
(அது போல்...)
உணர்வுகளை உணர்வுப் பூர்வமாக, உணரமுடியும் என்தால்; பேணக்கூடிய தாய் சார்ந்த
உறவுகளை, விரைவாய் பேணத் துவங்கவேண்டும்.
0266. தவஞ்செய்வார் தங்கருமஞ் செய்வார்மற் றல்லார்
அவஞ்செய்வார் ஆசையுட் பட்டு
விழியப்பன் விளக்கம்: தவம் சார்ந்த செயல்கள் செய்வோரே, பிறவிக்கடனை செய்வோர்
ஆவர்; மற்றவரெல்லாம் ஆசைக்கு அடிமையாகி, வீண்செயல்கள் செய்வராவர்.
அவஞ்செய்வார் ஆசையுட் பட்டு
விழியப்பன் விளக்கம்: தவம் சார்ந்த செயல்கள் செய்வோரே, பிறவிக்கடனை செய்வோர்
ஆவர்; மற்றவரெல்லாம் ஆசைக்கு அடிமையாகி, வீண்செயல்கள் செய்வராவர்.
(அது போல்...)
வாய்மை சார்ந்த வாக்குறுதிகள் அளிப்பவையே, மக்களாட்சியை உணர்ந்த
கட்சிகளாகும்; மற்றவையெல்லாம் பதவிக்கு அடிமையாகி, ஊழல்கள் செய்பவையாகும்.
கட்சிகளாகும்; மற்றவையெல்லாம் பதவிக்கு அடிமையாகி, ஊழல்கள் செய்பவையாகும்.
0267. சுடச்சுடரும் பொன்போல் ஒளிவிடும் துன்பஞ்
சுடச்சுட நோற்கிற் பவர்க்கு
விழியப்பன் விளக்கம்: நெருப்பில் சுடுவதால், சுடுவதற்கு ஏற்ப ஒளிரும் பொன் போல்; தவம்
மேற்கொள்வோரின் பகுத்தறிவு, துன்பங்களின் அளவுக்கேற்ப விரிவடையும்.
சுடச்சுட நோற்கிற் பவர்க்கு
விழியப்பன் விளக்கம்: நெருப்பில் சுடுவதால், சுடுவதற்கு ஏற்ப ஒளிரும் பொன் போல்; தவம்
மேற்கொள்வோரின் பகுத்தறிவு, துன்பங்களின் அளவுக்கேற்ப விரிவடையும்.
(அது போல்...)
அறச்செயலில் ஈடுபடுவதால், ஈடுபாட்டிற்கு ஏற்ப வளரும் மனிதம் போல்; வாழ்வியலை
ஆய்வோரின் தெளிவு, சிந்தனைத் திறனுக்கேற்ப வலுவடையும்.
0268. தன்னுயிர் தான்அறப் பெற்றானை ஏனைய
மன்னுயி ரெல்லாந் தொழும்
விழியப்பன் விளக்கம்: தவம் பழகுவதால், தன்னுயிர் மற்றும் தான் எனும் அகந்தையைத்
துறந்தவரை; மன்னுலகிலுள்ள மற்ற உயிர்கள் அனைத்தும் வணங்கும்.
மன்னுயி ரெல்லாந் தொழும்
விழியப்பன் விளக்கம்: தவம் பழகுவதால், தன்னுயிர் மற்றும் தான் எனும் அகந்தையைத்
துறந்தவரை; மன்னுலகிலுள்ள மற்ற உயிர்கள் அனைத்தும் வணங்கும்.
(அது போல்...)
பொதுமை பழகுவதால், சுயகுடும்பம் மற்றும் சுயகட்சி எனும் வளர்ச்சிகளைத்
தவிர்த்தவரை; சமூகத்திலுள்ள மற்ற தலைவர்கள் அனைவரும் மதிப்பர்.
தவிர்த்தவரை; சமூகத்திலுள்ள மற்ற தலைவர்கள் அனைவரும் மதிப்பர்.
0269. கூற்றம் குதித்தலும் கைகூடும் நோற்றலின்
ஆற்றல் தலைப்பட் டவர்க்கு
விழியப்பன் விளக்கம்: தவம் பழகுவதால் விளையும், ஆற்றலைப் பெற்றவர்க்கு; இறப்பைக்
கடக்கும் அதிசயமும் சாத்தியமாகும்.
ஆற்றல் தலைப்பட் டவர்க்கு
விழியப்பன் விளக்கம்: தவம் பழகுவதால் விளையும், ஆற்றலைப் பெற்றவர்க்கு; இறப்பைக்
கடக்கும் அதிசயமும் சாத்தியமாகும்.
(அது போல்...)
சுயம் உணர்வதால் விளையும், புரிதலை உடையவர்க்கு; காமத்தை வெல்லும்
தனித்திறமும் தன்வயப்படும்.
0270. இலர்பல ராகிய காரணம் நோற்பார்
சிலர்பலர் நோலா தவர்
விழியப்பன் விளக்கம்: மனவலிமை இல்லாத மக்கள், பலராக இருக்க காரணம்; தவம்
செய்வோர் சிலராகவும், தவம் செய்யாதோர் பலராகவும் இருப்பதே ஆகும்.
சிலர்பலர் நோலா தவர்
விழியப்பன் விளக்கம்: மனவலிமை இல்லாத மக்கள், பலராக இருக்க காரணம்; தவம்
செய்வோர் சிலராகவும், தவம் செய்யாதோர் பலராகவும் இருப்பதே ஆகும்.
(அது போல்...)
நல்லாட்சி செய்யாத தலைவர்கள், பலராக இருக்க காரணம்; பொதுநலம் கருதுவோர்
சிலராகவும், பொதுநலம் கருதாதோர் பலராகவும் இருப்பதே ஆகும்.
*****
இணைப்பு: ஆங்கில மொழியாக்கம் மற்றும் ஆங்கில விளக்கவுரை
கருத்துகள் இல்லை:
கருத்துரையிடுக