குறள் எண்: 1134 (விழியப்பன் விளக்கவுரை)

{பால்: 3 - காமத்துப்பால்; இயல்: 12 - களவியல்; அதிகாரம்: 114 - நாணுத்துறவு உரைத்தல்; குறள் எண்: 1134}

காமக் கடும்புனல் உய்க்கும் நாணொடு
நல்லாண்மை என்னும் புணை

விழியப்பன் விளக்கம்: காமம் எனும் கடுமையான காட்டாறு; நாணம் மற்றும் சிறந்த ஆண்மை எனும் இரண்டு படகுகளையும், அதன் போக்கில் செலுத்தும் வல்லமை உடையது!

(அது போல்...)

கள்ளக்காதல் எனும் தீவிரமான புயல்காற்று; குடும்பம் மற்றும் ஈன்ற பிள்ளைகள் எனும் இரண்டு ஆலமரங்களையும், அதன் திசையில் பிடுங்கியெறியும் தன்மை கொண்டது!