பால்: 2 - பொருள்; இயல்: 05 - அரசியல்; அதிகாரம்: 048 - வலியறிதல்
0471. வினைவலியும் தன்வலியும் மாற்றான் வலியும்
துணைவலியும் தூக்கிச் செயல்
விழியப்பன் விளக்கம்: விழியப்பன் விளக்கம்: செயல்களின் வலிமை/தன் வலிமை/எதிரியின்
வலிமை/துணையானோரின் வலிமை - இந்நான்கு காரணிகளையும் அளவிட்டு,
செயல்களைச் செய்யவேண்டும்!
துணைவலியும் தூக்கிச் செயல்
விழியப்பன் விளக்கம்: விழியப்பன் விளக்கம்: செயல்களின் வலிமை/தன் வலிமை/எதிரியின்
வலிமை/துணையானோரின் வலிமை - இந்நான்கு காரணிகளையும் அளவிட்டு,
செயல்களைச் செய்யவேண்டும்!
(அது போல்...)
சிந்தனையின் பலம்/மனதின் பலம்/நம்பிக்கையின் பலம்/உறவிலுள்ளோரின் பலம் -
இந்நான்கு காரணிகளையும் உணர்ந்து, உறவுகளை நிர்ணயிக்கவேண்டும்!
0472. ஒல்வ தறிவது அறிந்ததன் கண்தங்கிச்
செல்வார்க்குச் செல்லாதது இல்
விழியப்பன் விளக்கம்: தம் வலிமையின் இயல்பை அறிந்து, அறிந்த வண்ணம்
வைராக்கியமுடன் நிலைத்து செயல்படுவோர்க்கு; இயலாதது என்று எதுவுமில்லை.
செல்வார்க்குச் செல்லாதது இல்
விழியப்பன் விளக்கம்: தம் வலிமையின் இயல்பை அறிந்து, அறிந்த வண்ணம்
வைராக்கியமுடன் நிலைத்து செயல்படுவோர்க்கு; இயலாதது என்று எதுவுமில்லை.
(அது போல்...)
சுய ஒழுக்கத்தின் மாண்பை உணர்ந்து, உணர்ந்த வண்ணம் உண்மையுடன் தொடர்ந்து
வாழ்வோர்க்கு; வேதனை என்று ஏதுமில்லை.
0473. உடைத்தம் வலியறியார் ஊக்கத்தின் ஊக்கி
இடைக்கண் முரிந்தார் பலர்
விழியப்பன் விளக்கம்: தம் வலிமையை உணராமல், உணர்ச்சி உந்துதலில் செயல்களைத்
துவங்கி; இடையில் விட்டொழிந்தோர் பலருண்டு.
இடைக்கண் முரிந்தார் பலர்
விழியப்பன் விளக்கம்: தம் வலிமையை உணராமல், உணர்ச்சி உந்துதலில் செயல்களைத்
துவங்கி; இடையில் விட்டொழிந்தோர் பலருண்டு.
(அது போல்...)
தம் வருமானத்தைத் திட்டமிடாமல், அவசியச் சூழலில் கடன்களைப் பெற்று; இளமையில்
வாழ்விழந்தோர் பலருண்டு.
0474. அமைந்தாங் கொழுகான் அளவறியான் தன்னை
வியந்தான் விரைந்து கெடும்
விழியப்பன் விளக்கம்: பிறருடன் இணக்கமாய் உறவாடாமல், தன் வலிமையின் அளவை
அறியாமல்; தன்னைத் தானே வியந்து பேசுவோர், வேகமாய் அழிவர்.
வியந்தான் விரைந்து கெடும்
விழியப்பன் விளக்கம்: பிறருடன் இணக்கமாய் உறவாடாமல், தன் வலிமையின் அளவை
அறியாமல்; தன்னைத் தானே வியந்து பேசுவோர், வேகமாய் அழிவர்.
(அது போல்...)
அணியினரிடம் முழுமையாய் விவாதிக்காமல், தன் தலைமையின் தரத்தை உணராமல்;
தானெனும் கர்வமுடன் செயல்படும் அணித்தலைவர்கள், விரைவில் கெடுவர்.
0475. பீலிபெய் சாகாடும் அச்சிறும் அப்பண்டஞ்
சால மிகுத்துப் பெயின்
விழியப்பன் விளக்கம்: இலகுவான மயிலிறகே ஆயினும், வண்டியின் அச்சாணியின்
வலிமையை அறியாமல்; அளவுக்கதிகமாக ஏற்றினால், அச்சு முறிந்துவிடும்.
சால மிகுத்துப் பெயின்
விழியப்பன் விளக்கம்: இலகுவான மயிலிறகே ஆயினும், வண்டியின் அச்சாணியின்
வலிமையை அறியாமல்; அளவுக்கதிகமாக ஏற்றினால், அச்சு முறிந்துவிடும்.
(அது போல்...)
விலைகுறைந்த பொருட்களே ஆயினும், கையிலிருக்கும் இருப்பின் அளவை உணராமல்;
தொடர்ந்து செலவிட்டால், வறுமை ஆட்கொள்ளும்.
0476. நுனிக்கொம்பர் ஏறினார் அஃதிறந் தூக்கின்
உயிர்க்கிறுதி யாகி விடும்
விழியப்பன் விளக்கம்: மரத்தின் நுனிக்கொம்பில் ஏறியவர், மனித வலிமையின்
வரையறையை உணராமல்; மேலும் ஏறிட முயன்றால், உயிரை மாய்ப்பதற்கு வழிவகுக்கும்.
உயிர்க்கிறுதி யாகி விடும்
விழியப்பன் விளக்கம்: மரத்தின் நுனிக்கொம்பில் ஏறியவர், மனித வலிமையின்
வரையறையை உணராமல்; மேலும் ஏறிட முயன்றால், உயிரை மாய்ப்பதற்கு வழிவகுக்கும்.
(அது போல்...)
மக்களின் உரிமைகளைத் தகர்ப்போர், உரிமை மீறலின் விளைவை அறியாமல்;
மென்மேலும் தகர்க்க முனைந்தால், சமுதாயப் புரட்சிக்கு வித்திடும்.
மென்மேலும் தகர்க்க முனைந்தால், சமுதாயப் புரட்சிக்கு வித்திடும்.
0477. ஆற்றின் அளவறிந்து ஈக அதுபொருள்
போற்றி வழங்கு நெறி
விழியப்பன் விளக்கம்: நம் பொருளீட்டும் திறத்தை உணர்ந்து, பிறர்க்குக் கொடுத்தல்
வேண்டும்; அதுவே பொருளைப் பாதுகாத்து, கொடையளிக்கும் நெறியாகும்.
போற்றி வழங்கு நெறி
விழியப்பன் விளக்கம்: நம் பொருளீட்டும் திறத்தை உணர்ந்து, பிறர்க்குக் கொடுத்தல்
வேண்டும்; அதுவே பொருளைப் பாதுகாத்து, கொடையளிக்கும் நெறியாகும்.
(அது போல்...)
நம் புரிதலின் ஆழத்தை ஆராய்ந்து, பிறர்க்குக் கற்பித்தல் வேண்டும்; அதுவே புரிதலை
விரிவாக்கி, கற்பிக்கும் வழியாகும்.
0478. ஆகாறு அளவிட்டி தாயினுங் கேடில்லை
போகாறு அகலாக் கடை
விழியப்பன் விளக்கம்: வருமானத்தின் அளவு குறைந்தாலும்; செலவினங்கள் எல்லையைக்
கடந்து போகாத வரையில், பெரிய தீமையேதும் நேர்வதில்லை!
போகாறு அகலாக் கடை
விழியப்பன் விளக்கம்: வருமானத்தின் அளவு குறைந்தாலும்; செலவினங்கள் எல்லையைக்
கடந்து போகாத வரையில், பெரிய தீமையேதும் நேர்வதில்லை!
(அது போல்...)
நற்சிந்தனையின் வீரியம் சிதைந்தாலும்; தீவினைகள் மனதை ஆக்கிரமித்து பரவாத
வரையில், அதீத அழிவேதும் நிகழ்வதில்லை!
0479. அளவறிந்து வாழாதான் வாழ்க்கை உளபோல
இல்லாகித் தோன்றாக் கெடும்
விழியப்பன் விளக்கம்: வருமானத்தின் அளவை உணர்ந்து, வாழாதவரின் வாழ்க்கை;
வளமாய் இருப்பது போன்ற மாயையை உருவாக்கி, பின்னர் உருவழிந்து கெட்டழியும்.
போன்ற நம்பிக்கையைக் கொடுத்து, பின்னர் சுயமிழந்து முடிவடையும்.
இல்லாகித் தோன்றாக் கெடும்
விழியப்பன் விளக்கம்: வருமானத்தின் அளவை உணர்ந்து, வாழாதவரின் வாழ்க்கை;
வளமாய் இருப்பது போன்ற மாயையை உருவாக்கி, பின்னர் உருவழிந்து கெட்டழியும்.
(அது போல்...)
உறவுகளின் உன்னதத்தை மதித்து, பழகாதவரின் நிலைமை; அதிகாரமாய் இருப்பது போன்ற நம்பிக்கையைக் கொடுத்து, பின்னர் சுயமிழந்து முடிவடையும்.
0480. உளவரை தூக்காத ஒப்புர வாண்மை
வளவரை வல்லைக் கெடும்
விழியப்பன் விளக்கம்: தன்னுடையக் கையிருப்பைக் கணக்கிடாமல், பிறர்க்கு உதவிக்
கொண்டே இருந்தால்; ஒருவரின் செல்வத்தின் அளவு, விரைவில் அழியும்.
வளவரை வல்லைக் கெடும்
விழியப்பன் விளக்கம்: தன்னுடையக் கையிருப்பைக் கணக்கிடாமல், பிறர்க்கு உதவிக்
கொண்டே இருந்தால்; ஒருவரின் செல்வத்தின் அளவு, விரைவில் அழியும்.
(அது போல்...)
தன்னுடைய குறையைக் களையாமல், பிறரை விமர்சித்துக் கொண்டே இருந்தால்;
ஒருவரின் சுயத்தின் தரம், வேகமாய் குறையும்.
*****
கருத்துகள் இல்லை:
கருத்துரையிடுக