குறள் எண்: 0625 (விழியப்பன் விளக்கவுரை)

{பால்: 2 - பொருட்பால்; இயல்: 05 - அரசியல்; அதிகாரம்: 063 - இடுக்கண் அழியாமை; குறள் எண்: 0625}

அடுக்கி வரினும் அழிவிலான் உற்ற
இடுக்கண் இடுக்கண் படும்

விழியப்பன் விளக்கம்: இன்னல்கள் தொடர்ந்து இருப்பினும், அவற்றை அழித்து; தாம் அழியாமல் மீண்டெழுவோர்க்கு, நேர்ந்த இன்னல்களே இன்னலுக்கு உள்ளாகும்.

(அது போல்...)

உறவுகள் தொடர்ந்து வதைத்தாலும், அவற்றை மறந்து; உறவுகளை மறக்காமல பயணிப்போர்க்கு, நிகழ்ந்த குழப்பங்களே குழப்பத்திற்கு ஆட்படும்.