குறள் எண்: 0748 (விழியப்பன் விளக்கவுரை)

{பால்: 2 - பொருட்பால்; இயல்: 07 - அரணியல்; அதிகாரம்: 075 - அரண்; குறள் எண்: 0748}

முற்றாற்றி முற்றி யவரையும் பற்றாற்றிப்
பற்றியார் வெல்வது அரண்

விழியப்பன் விளக்கம்: முற்றுகையில் திறமடைந்து, பல முற்றுகைகளைச் செய்தவரையும்; பற்றுவதில் திறமடைந்த உள்ளிருக்கும் வீரர்கள் பற்றியதை, வெல்லச் செய்வதே அரணாகும்.

(அது போல்...)

பிரிவினைகளில் கைதேர்ந்து, பல பிரிவினைகளைச் செய்தவரையும்; அன்புடைமையில் கைதேர்ந்த குடும்பத்திலிருக்கும் அன்பர்கள் போற்றிட, விலக்கச் செய்வதே உறவாகும்.