பால்: 1 - அறம்; இயல்: 03 - துறவறவியல்; அதிகாரம்: 036 - மெய்யுணர்தல்
0351. பொருளல்ல வற்றைப் பொருளென்று உணரும்
மருளானாம் மாணாப் பிறப்பு
விழியப்பன் விளக்கம்: மெய்யற்றவற்றை மெய்யென்று நம்பும் அறியாமை; மாட்சியமையற்ற
துன்பம் சூழ்ந்த, பிறவிப்பயனுக்கு வழிவகுக்கும்.
மருளானாம் மாணாப் பிறப்பு
விழியப்பன் விளக்கம்: மெய்யற்றவற்றை மெய்யென்று நம்பும் அறியாமை; மாட்சியமையற்ற
துன்பம் சூழ்ந்த, பிறவிப்பயனுக்கு வழிவகுக்கும்.
(அது போல்...)
அறமற்றவற்றை அறமென்று வாதிடும் மூர்க்கம்; மனிதமற்ற அரக்கம் நிறைந்த,
செயல்பாட்டிற்கு வித்திடும்.
செயல்பாட்டிற்கு வித்திடும்.
0352. இருள்நீங்கி இன்பம் பயக்கும் மருள்நீங்கி
மாசறு காட்சி யவர்க்கு
விழியப்பன் விளக்கம்: மயக்கம் நீக்கிய, குற்றமில்லாத பகுத்தறிவை உடையவர்க்கு;
அறியாமை எனும் இருள் மறைந்து, இன்பம் விளையும்.
மாசறு காட்சி யவர்க்கு
விழியப்பன் விளக்கம்: மயக்கம் நீக்கிய, குற்றமில்லாத பகுத்தறிவை உடையவர்க்கு;
அறியாமை எனும் இருள் மறைந்து, இன்பம் விளையும்.
(அது போல்...)
இரசாயனம் அகற்றிய, அழிவில்லாத விவசாயம் செய்வோர்க்கு; வீட்டுமனை என்ற
பேராசை விலகி, வாழ்வியல் எளிதாகும்.
பேராசை விலகி, வாழ்வியல் எளிதாகும்.
0353. ஐயத்தின் நீங்கித் தெளிந்தார்க்கு வையத்தின்
வானம் நணிய துடைத்து
விழியப்பன் விளக்கம்: ஐயங்களைக் களைந்து, தெளிவுடன் மெய்யைப்
பகுத்தறிந்தோர்க்கு; புவியுலகை விட, விண்ணுலகம் மிக அருகாமையில் இருக்கும்.
வானம் நணிய துடைத்து
விழியப்பன் விளக்கம்: ஐயங்களைக் களைந்து, தெளிவுடன் மெய்யைப்
பகுத்தறிந்தோர்க்கு; புவியுலகை விட, விண்ணுலகம் மிக அருகாமையில் இருக்கும்.
(அது போல்...)
தடைகளைக் கடந்து, மகிழ்வுடன் பணியை மேற்கொள்வோர்க்கு; சம்பளத்தை விட,
வெகுமானம் மிக மகிழ்ச்சியானதாய் இருக்கும்.
0354. ஐயுணர்வு எய்தியக் கண்ணும் பயமின்றே
மெய்யுணர்வு இல்லா தவர்க்கு
விழியப்பன் விளக்கம்: எல்லாவற்றையும் பகுத்தறிந்து, மெய்யுணரும் திறம்
இல்லாதோர்க்கு; ஐவகை உணர்வுகளை அடக்கியாளும் திறனிருந்தும் பயனில்லை.
மெய்யுணர்வு இல்லா தவர்க்கு
விழியப்பன் விளக்கம்: எல்லாவற்றையும் பகுத்தறிந்து, மெய்யுணரும் திறம்
இல்லாதோர்க்கு; ஐவகை உணர்வுகளை அடக்கியாளும் திறனிருந்தும் பயனில்லை.
(அது போல்...)
குடும்பத்தினரை அரவணைத்து, அன்புக்கு அடிபணியும் வீரமற்றோர்க்கு; பஞ்ச
பூதங்களைக் கட்டுப்படுத்தும் வலிமையிருந்தும் வாழ்வில்லை.
பூதங்களைக் கட்டுப்படுத்தும் வலிமையிருந்தும் வாழ்வில்லை.
0355. எப்பொருள் எத்தன்மைத் தாயினும் அப்பொருள்
மெய்ப்பொருள் காண்பது அறிவு
விழியப்பன் விளக்கம்: எந்த பொருளெனினும், எவ்வகை மயக்கத்தைக்
கொடுப்பதெனினும்; அப்பொருளின் உண்மையான தன்மையை உணர்வதே, பகுத்து
அறிவதாகும்.
மெய்ப்பொருள் காண்பது அறிவு
விழியப்பன் விளக்கம்: எந்த பொருளெனினும், எவ்வகை மயக்கத்தைக்
கொடுப்பதெனினும்; அப்பொருளின் உண்மையான தன்மையை உணர்வதே, பகுத்து
அறிவதாகும்.
(அது போல்...)
எந்த தொழிலெனினும், எவ்வளவு வருமானத்தை அளிப்பதாயினும்; அத்தொழிலின் தார்மீக
அம்சங்களை ஆராய்வதே, தொழில் தர்மமாகும்.
0356. கற்றீண்டு மெய்ப்பொருள் கண்டார் தலைப்படுவர்
மற்றீண்டு வாரா நெறி
விழியப்பன் விளக்கம்: அனைத்தையும் கற்றறிந்து, மெய்ப்பொருளை உணர்ந்தோர்;
மீண்டும் மண்ணுலகில் பிறக்காத, உயரிய நிலையை அடைவர்.
மற்றீண்டு வாரா நெறி
விழியப்பன் விளக்கம்: அனைத்தையும் கற்றறிந்து, மெய்ப்பொருளை உணர்ந்தோர்;
மீண்டும் மண்ணுலகில் பிறக்காத, உயரிய நிலையை அடைவர்.
(அது போல்...)
சிக்கல்களை ஆராய்ந்தறிந்து, உறவுகளைப் பேணுவோர்; மீண்டும் சிக்கல்களைச்
சந்திக்காத, உன்னத வாழ்வைப் பெறுவர்.
0357. ஓர்த்துள்ளம் உள்ளது உணரின் ஒருதலையாப்
பேர்த்துள்ள வேண்டா பிறப்பு
விழியப்பன் விளக்கம்: உள்ளத்தில் பகுத்தறிந்து, மெய்ப் பொருளை உறுதியாய்
உணர்ந்தால்; நமக்கு இன்னுமோர் பிறவித்துன்பம் உண்டென்ற, நம்பிக்கைத்
தேவையில்லை.
பேர்த்துள்ள வேண்டா பிறப்பு
விழியப்பன் விளக்கம்: உள்ளத்தில் பகுத்தறிந்து, மெய்ப் பொருளை உறுதியாய்
உணர்ந்தால்; நமக்கு இன்னுமோர் பிறவித்துன்பம் உண்டென்ற, நம்பிக்கைத்
தேவையில்லை.
(அது போல்...)
மனிதத்தில் ஒருங்கிணைந்து, மனித தத்துவத்தை முழுவதுமாய் அறிந்தால்; நமக்கு
மற்றுமோர் பரிணாமவளர்ச்சி தேவையென்ற, எண்ணம் அவசியமில்லை.
0358. பிறப்பென்னும் பேதைமை நீங்கச் சிறப்பென்னும்
செம்பொருள் காண்பது அறிவு
விழியப்பன் விளக்கம்: பிறவியெனும் அறியாமையை அழித்திட; புகழ் என்னும் மெய்ப்
பொருளை உணர்தலே, அறிவுடைமை ஆகும்.
செம்பொருள் காண்பது அறிவு
விழியப்பன் விளக்கம்: பிறவியெனும் அறியாமையை அழித்திட; புகழ் என்னும் மெய்ப்
பொருளை உணர்தலே, அறிவுடைமை ஆகும்.
(அது போல்...)
பகையெனும் மனநோயை நீக்கிட; மன்னிப்பு என்னும் நல் மருத்துவரை நாடுவதே,
அருமருந்து ஆகும்.
அருமருந்து ஆகும்.
0359. சார்புணர்ந்து சார்பு கெடஒழுகின் மற்றழித்துச்
சார்தரா சார்தரு நோய்
விழியப்பன் விளக்கம்: பொய்யின் தொடர்புகளை உணர்ந்து, அத்தொடர்பை அறுத்து
வாழ்ந்திடின்; அதையும் கடந்து துன்பத்தை அளிக்கும் தொடர்பை, வேறொரு தொடர்பு
உருவாக்காது.
சார்தரா சார்தரு நோய்
விழியப்பன் விளக்கம்: பொய்யின் தொடர்புகளை உணர்ந்து, அத்தொடர்பை அறுத்து
வாழ்ந்திடின்; அதையும் கடந்து துன்பத்தை அளிக்கும் தொடர்பை, வேறொரு தொடர்பு
உருவாக்காது.
(அது போல்...)
தீயறத்தின் காரணிகளைக் கண்டறிந்து, அக்காரணியை அகற்றப் பழகிடின்; அதையும்
தாண்டி தீயறத்தை உயிர்ப்பிக்கும் காரணியை, மற்றோர் காரணித் தூண்டாது.
0360. காமம் வெகுளி மயக்கம் இவைமூன்றன்
நாமம் கெடக்கெடும் நோய்
விழியப்பன் விளக்கம்: விருப்பு/வெறுப்பு/தெளிவின்மை - இம்மூன்று காரணிகளின்
உண்மையான விளைவுகளை உணர்ந்து, அவற்றை அழித்துவிட்டால்; நம் துன்பங்களும்
அழிந்துவிடும்.
நாமம் கெடக்கெடும் நோய்
விழியப்பன் விளக்கம்: விருப்பு/வெறுப்பு/தெளிவின்மை - இம்மூன்று காரணிகளின்
உண்மையான விளைவுகளை உணர்ந்து, அவற்றை அழித்துவிட்டால்; நம் துன்பங்களும்
அழிந்துவிடும்.
(அது போல்...)
மொழி/இனம்/மதம் - இம்மூன்று வெறிகளின் அபாயமான தீவிரவாதங்களை உணர்ந்து,
அவற்றை நீக்கிவிட்டால்; அனைத்து மிருகத்தன்மையும் நீங்கிவிடும்.
*****
இணைப்பு: ஆங்கில மொழியாக்கம் மற்றும் ஆங்கில விளக்கவுரை
கருத்துகள் இல்லை:
கருத்துரையிடுக