{பால்: 1 - அறத்துப்பால்; இயல்: 01 - பாயிரவியல்; அதிகாரம்: 002 - வான் சிறப்பு; குறள் எண்: 0013}
விண்இன்று பொய்ப்பின் விரிநீர் வியனுலகத்து
உள்நின்று உடற்றும் பசி
விழியப்பன் விளக்கம்: விண்ணிலிருந்து பொழியும் மழை பொய்த்துவிட்டால், பரம்பிய கடல் நீரால் சூழ்ந்த இந்த அகன்ற உலகத்தில்; உணவேதுமின்றி பசி வருத்தும்.
(அது போல்...)
மனிதனிலிருந்து உதிக்கும் மனிதம் மரித்துவிட்டால், பெருகிய மனித இனத்தால் நிரம்பிய இந்த அகன்ற மண்ணுலகில்; அறமேதுமின்றி பயம் ஆக்கிரமிக்கும்.
*****
இணைப்பு: ஆங்கில மொழியாக்கம் மற்றும் ஆங்கில விளக்கவுரை
கருத்துகள் இல்லை:
கருத்துரையிடுக