பால்: 2 - பொருள்; இயல்: 05 - அரசியல்; அதிகாரம்: 056 - கொடுங்கோன்மை
0551. கொலைமேற்கொண் டாரின் கொடிதே அலைமேற்கொண்டு
அல்லவை செய்தொழுகும் வேந்து
விழியப்பன் விளக்கம்: பொதுமக்களை கொடுமைப்படுத்தி, அறமல்லவைச் செய்துப் பழகும்
அரசாள்பவர்; கொலையைத் தொழிலாகச் செய்வோரை விட, அதீத கொடுமையானவர்
ஆவர்.
அல்லவை செய்தொழுகும் வேந்து
விழியப்பன் விளக்கம்: பொதுமக்களை கொடுமைப்படுத்தி, அறமல்லவைச் செய்துப் பழகும்
அரசாள்பவர்; கொலையைத் தொழிலாகச் செய்வோரை விட, அதீத கொடுமையானவர்
ஆவர்.
(அது போல்...)
உறவுகளை வெறுத்து, வாய்மையல்லவைப் பேசி புறக்கணிக்கும் நபர்; கையூட்டை
வழக்கமாய் பெறுவோரை விட, மிக ஆபத்தானவர் ஆவர்.
0552. வேலொடு நின்றான் இடுஎன் றதுபோலும்
கோலொடு நின்றான் இரவு
விழியப்பன் விளக்கம்: செங்கோல் ஏந்திய அரசாள்வோர், மக்களின் உடைமைகளை
வேண்டுவது; அரிவாள் ஏந்திய கொள்ளையர், வழிப்போக்கரின் பொருட்களைப் பறிப்பது
போன்றதாகும்.
கோலொடு நின்றான் இரவு
விழியப்பன் விளக்கம்: செங்கோல் ஏந்திய அரசாள்வோர், மக்களின் உடைமைகளை
வேண்டுவது; அரிவாள் ஏந்திய கொள்ளையர், வழிப்போக்கரின் பொருட்களைப் பறிப்பது
போன்றதாகும்.
(அது போல்...)
வேலை செய்யும் பிள்ளைகள், பெற்றோரின் ஓய்வூதியத்தைக் கேட்பது; வேலை அளிக்கும்
முதலாளிகள், பணியாளர்களின் சம்பளத்தை அபகரிப்பது போன்றதாகும்.
0553. நாள்தொறும் நாடி முறைசெய்யா மன்னவன்
நாள்தொறும் நாடு கெடும்
விழியப்பன் விளக்கம்: அரசாள்பவர், ஒவ்வொரு நாளையும் ஆராய்ந்து; முறையான
செங்கோலைச் செலுத்தவில்லை எனில், அவர்களின் நாடு ஒவ்வொரு நாளும் வாழ்வியலை
இழக்கும்.
நாள்தொறும் நாடு கெடும்
விழியப்பன் விளக்கம்: அரசாள்பவர், ஒவ்வொரு நாளையும் ஆராய்ந்து; முறையான
செங்கோலைச் செலுத்தவில்லை எனில், அவர்களின் நாடு ஒவ்வொரு நாளும் வாழ்வியலை
இழக்கும்.
(அது போல்...)
சமுதாயம், ஒவ்வொரு நிலத்தையும் போற்றி; இயற்கையான விவசாயத்தை செய்யவில்லை
எனில், அதன் சந்ததி ஒவ்வொரு பாரம்பரியத்தையும் வழக்கத்திலிருந்து இழக்கும்.
0554. கூழும் குடியும் ஒருங்கிழக்கும் கோல்கோடிச்
சூழாது செய்யும் அரசு
விழியப்பன் விளக்கம்: ஆராயாமல், செங்கோல் தவறிக் கொடுங்கோலைச் செய்யும்
அரசாங்கம்; உணவையும் குடிமக்களையும், ஒரே நேரத்தில் இழக்கும்.
சூழாது செய்யும் அரசு
விழியப்பன் விளக்கம்: ஆராயாமல், செங்கோல் தவறிக் கொடுங்கோலைச் செய்யும்
அரசாங்கம்; உணவையும் குடிமக்களையும், ஒரே நேரத்தில் இழக்கும்.
(அது போல்...)
உணராமல், பொறுமை இழந்து உறவுகளை நீக்கும் பரம்பரை; கலாச்சாரத்தையும்
சந்ததியையும், ஒரே தலைமுறையில் இழக்கும்.
0555. அல்லற்பட்டு ஆற்றாது அழுதகண் ணீர்அன்றே
செல்வத்தைத் தேய்க்கும் படை
விழியப்பன் விளக்கம்: தேறமுடியாதத் துன்பத்தால், அழும் பொதுமக்களின் கண்ணீர்தானே;
கொடுங்கோல் புரியும் அரசாள்பவரின், செல்வத்தை அழிக்கும் ஆயுதம்?
செல்வத்தைத் தேய்க்கும் படை
விழியப்பன் விளக்கம்: தேறமுடியாதத் துன்பத்தால், அழும் பொதுமக்களின் கண்ணீர்தானே;
கொடுங்கோல் புரியும் அரசாள்பவரின், செல்வத்தை அழிக்கும் ஆயுதம்?
(அது போல்...)
இருப்பிடம் இழந்ததால், அலையும் விலங்குகளின் சாபம்தானே; காடழிக்கத் திட்டமிடும்
இனத்தின், ஆணிவேரை வெட்டும் கோடரி?
0556. மன்னர்க்கு மன்னுதல் செங்கோன்மை அஃதின்றேல்
மன்னாவாம் மன்னர்க்கு ஒளி
விழியப்பன் விளக்கம்: செங்கோலைக் காப்பதே, அரசாள்வோர்க்கு நிலைத்த புகழைத்
தரும்; மாறாய் கொடுங்கோல் புரிந்தால், அரசாள்வோரின் புகழ் நிலைக்காது.
மன்னாவாம் மன்னர்க்கு ஒளி
விழியப்பன் விளக்கம்: செங்கோலைக் காப்பதே, அரசாள்வோர்க்கு நிலைத்த புகழைத்
தரும்; மாறாய் கொடுங்கோல் புரிந்தால், அரசாள்வோரின் புகழ் நிலைக்காது.
(அது போல்...)
பாதுகாப்பை உயர்த்துவது, வல்லரசுக்கு நீடித்த பலத்தை அளிக்கும்; மாறாய் பாதுகாப்பு
மோசமடைந்தால், வல்லரசின் பலம் நீடிக்காது.
0557. துளியின்மை ஞாலத்திற்கு எற்றற்றே வேந்தன்
அளியின்மை வாழும் உயிர்க்கு
விழியப்பன் விளக்கம்: மன்னனின் செங்கோல் சிறக்காத, நாட்டு மக்களின் வாழ்வியல்;
மழைத்துளி பொழியாததால், உலகத்துக்கு விளையும் கேட்டைப் போன்றதாகும்.
அளியின்மை வாழும் உயிர்க்கு
விழியப்பன் விளக்கம்: மன்னனின் செங்கோல் சிறக்காத, நாட்டு மக்களின் வாழ்வியல்;
மழைத்துளி பொழியாததால், உலகத்துக்கு விளையும் கேட்டைப் போன்றதாகும்.
(அது போல்...)
பெற்றோரின் அரவணைப்பு கிடைக்காத, வீட்டுப் பிள்ளைகளின் வளர்ச்சி; சுற்றுவேலி
இல்லாததால், பயிர்களுக்கு உண்டாகும் அழிவைப் போன்றதாகும்.
0558. இன்மையின் இன்னாது உடைமை முறைசெய்யா
மன்னவன் கோல்கீழ்ப் படின்
விழியப்பன் விளக்கம்: முறையான செங்கோலைச் செலுத்தாத, அரசாள்பவரின் ஆட்சியில்;
வறுமையோடு இருப்பதை விட, உடையவராய் இருப்பதே அதீத துன்பமாகும்.
(அது போல்...)
உண்மையான வாழ்வியலைக் கற்பிக்காத, சமூகத்தின் பார்வையில்; பொய்யராய்
இருப்பதை விட, நேர்மையுடன் வாழ்வதே அதிக சிக்கலாகும்.
இருப்பதை விட, நேர்மையுடன் வாழ்வதே அதிக சிக்கலாகும்.
0559. முறைகோடி மன்னவன் செய்யின் உறைகோடி
ஒல்லாது வானம் பெயல்
விழியப்பன் விளக்கம்: அரசாள்பவர், செங்கோல் தவறி ஆட்சி செய்தால்; பருவமழையும்
தவறி, வானம் பொழியாமல் போகும்.
(அது போல்...)
சமுதாயம், அறம் தவறி வாழப் பழகினால்; அடிப்படையும் தவறி, மக்களாட்சி நிலைக்காமல்
போகும்.
0560. ஆபயன் குன்றும் அறுதொழிலோர் நூல்மறப்பர்
காவலன் காவான் எனின்
விழியப்பன் விளக்கம்: காக்கவேண்டிய அரசாள்வோர், காக்கக் தவறினால்; பசுவின்
பயனான பால்வளம் குறையும்! இறைப்பணியைத் தொழிலாய் கொண்டோர்,
மறைநூல்களை மறப்பர்!
காவலன் காவான் எனின்
விழியப்பன் விளக்கம்: காக்கவேண்டிய அரசாள்வோர், காக்கக் தவறினால்; பசுவின்
பயனான பால்வளம் குறையும்! இறைப்பணியைத் தொழிலாய் கொண்டோர்,
மறைநூல்களை மறப்பர்!
(அது போல்...)
கற்பிக்கவேண்டிய ஆசிரியர், கற்பிக்கத் தவறினால்; கல்வியின் பயனான சிந்தனை சிதறும்!
மனிதத்தை அடிப்படையாய் கொண்டோர், மதத்தை விரும்புவர்!
*****
கருத்துகள் இல்லை:
கருத்துரையிடுக