விபத்தில்லாப் பயணமில்லை எனினும்,
விபத்தொன்று நேர்ந்தால் விடியலில்லை
என்பதால்; யானறிந்த பயணங்களில்
ஏதுமில்லை விமானம்போல் அச்சமூட்டுவது!
மதுப்பழக்கம் இருந்த போதினிலே
மரணபயமும் விலகிட்டதே போதையாலே!
மதுவதனை விலக்கிட்ட இந்நேரமும்
மறுபடியும் பயம்வந்து குடிகொண்டதே!
"மரணமில்லா மானிடனே இல்லை!"
மேலோர்"புத்தி" சொல்லியும் கேளார்
கீழோர்ஆன “மனமும்”! மனமதனை
மழுங்கடித்து பயமதுவும் மேலெழுகிறதே!
மதுவதுவும் துணையில்லா இப்பொழுதும்
மனத்திடமும் வந்திடுமோ எப்படியேனும்?
விமானப் பயணமதையும் நினைக்கையில்;
விழுங்கத்தான் பார்க்கிறதே பயமதுவும்!
கருத்துகள் இல்லை:
கருத்துரையிடுக